Хархорум музейн Боловсролын үйл ажиллагаа нь хүүхэд залуучууд, ахмад, хөгжлийн бэрхшээлтэй иргэд зэрэг нийгмийн бүхий л хэсгийг хамруулан тэдэнд хүрч ажиллахыг зорьж байна. Ялангуяа орон нутгийн иргэдрүү чиглэсэн боловсролын ажилд анхаарлаа хандуулж байгаагаар онцлогтой гэж болно.

Боловсролын үйл ажиллагааны үндсэн чиглэл нь:

- Хүүхдэд зориулсан үйл ажиллагаа

- Орон нутгийн иргэдэд зориулсан үйл ажиллагаа

- Сургалтын үйл ажиллагаа

гэсэн 3 үндсэн чиглэлд хуваагдана. Мөн зохион байгуулсан боловсролын үйл ажиллагаатай холбогдох мэдээ, мэдээллийг багтаасан гарын авлага, товхимолыг бэлтгэн гаргаж байна.

Олон улсын хүүхдийн Найрамдал төвөөс санаачлан Боловсрол, Шинжлэх Ухааны Яам, Соёл, Спорт, Аялал Жуулчлалын яам, Засгийн газрын хэрэгжүүлэгч агентлаг, Хүүхдийн төлөө үндэсний газар хамтран “Соёлын өв уламжлагч хүүхэд” наадмыг хоёр шаттайгаар зохион байгуулж байна. Эхний шат 2014.05.12-нд хөдөө орон нутагт

Хоёр дугаар шат 2014.06.18 – 06.25-ны өдрүүдэд Улаанбаатар хотод зохион байгуулагдхаар төлөвлөгдсөн.

Эхний шатны арга хэмжээнд Хархорин сум Соёлын төвдөө үндэсний өв соёлоо сурталчилсан арга хэмжээ зохион явууллаа. Арга хэмжээнд сумын авъяастан сурагчдын урлагийн тоглолт, орон нутгийн

Монгол Улсын Ерөнхийлөгчийн 2003 оны 105 тоот зарлигаар батлагдсан “Үндэсний бичиг соёлын өдөр”-ийг тохиолдуулан Монгол хэл бичиг, үндэсний өв соёлоо олон нийтэд сурталчилж хүүхэд залууст өвлүүлэн үлдээх зорилгоор “Мөнх тэнгэрийн босоо бичиг” сэдэвт уран бичлэгийн уралдааныг зохион явууллаа.

Уралдааныг Хархорин сумын ЕБС-ийн 9-11 дүгээр ангийн сурагчдын дунд зарлан явуулсан.

Уралдааны  бүтээлд тавигдах шаардлага:

· Уран бичлэгийн хэмжээ, тоо, материалд хязгаар тавихгүй

· Бичвэрийг бийр, усан будаг, гуашаар бичсэн байна

· Бүтээлийн ард уран бичсэн үгийг криллээр бичсэн байна

· Бүтээлийн ар талд овог нэр, сургууль, анги, холбоо барих утас байна

· Бүтээлийг цэвэр нямбай хийсэн байна

· Бүтээл уран сэтгэмжтэй, гоо зүйн шийдэлтэй байна хэмээн заасан

Бүтээлийг 2014 оны 04 дүгээр сарын 28-30-ны хооронд Хархорум музейн эрдэм шинжилгээний ажилчид шалгаруулсан юм.

Шалгарсан 22 бүтээл үзэсгэлэн дэглэн олон нийтийн хүртээл болгож байна.

Хархорум музей сумын ард иргэдийг чөлөөт цагаа зөв боловсон өнгөрүүлэх, шинэ мэдлэг олж авах, соёлын өвийг олон нийтэд сурталчлах зорилгоор музейд өөрийн дур сонирхолоор ажиллах ажилтан элсүүлэх үйл ажиллагаа зохион байгуулав. 

Сайн дурын ажилчид нь цалин хөлсгүйгээр зөвхөн өөрсдийн хүсэл, сонирхол, чөлөөт цагтаа тулгуурлан музейн тайлбарлагч хийх юм.

Сайн дурын ажилтанг 3-р сарын 20-ноос 3-р сарын 28-ны хооронд бүртгэн авсан. Хүмүүсээ чадваржуулах үүднээс 3-р сарын 21-нээс 4-р сарын 19-ний хооронд  “Музейн хөтөч тайлбарлагч”-ийн ур чадвар олгох сургалтанд хамруулж хичээл заасан юм. Хичээлээр:

- Музейн тайлбарлагч гэж хэн бэ?

- Тайлбарлагч хүний зан чанар, ур чадвар, техник

- Музейн үзүүллэг, үзэсгэлэнгийн тухай

- Монголын түүхийн тухай мэдвэл зохих мэдлэгүүдийг зааж, 14 хоног дадлага хийв.